3-son 2024

Yuridik fanlar axborotnomasi 3-son 2024

Ushbu sonda keyingi mavzular yoritilgan

Maqolalar bilan tanishib chiqish
PDF yuklash
XALQARO XUSUSIY HUQUQDA MAJBURIYAT MUNOSABATLARINI HUQUQIY TARTIBGA SOLISHNI TAKOMILLASHTIRISH

Imamova Dilfuza Ismailovna

Jahon iqtisodiyoti va diplomatiya universiteti Fuqarolik huquqi va xalqaro xususiy huquq fanlari kafedrasi professor v.b., yuridik fanlar nomzodi

Annotatsiya
Ushbu maqolada xalqaro xususiy huquq munosabatlarini tartibga solish maqsadida Oʻzbekiston Respublikasida xalqaro xususiy huquqning alohida kodeksini ishlab chiqish va qabul qilish zarurati bilan bog‘liq masalalar muhokama qilindi. Kodeksda shartnomaviy va shartnomadan tashqari munosabatlarni tartibga solishni oʻz ichiga olgan “Majburiyatlar huquqi” bobini alohida ajratib koʻrsatish taklif etildi. Xorijiy davlatlarning xalqaro xususiy huquq sohasidagi huquqiy hujjatlari tahlil qilindi. Tahlillar asosida Oʻzbekiston Respublikasi qonunchiligini takomillashtirish boʻyicha taklif va tavsiyalar ishlab chiqildi. …
TIBBIY TASHXISDA SUN’IY INTELLEKT VA BEMOR HUQUQLARINI HIMOYA QILISH MUNOSABATLARINING HUQUQIY ARXITEKTURASI

Kan Yekaterina Eduardovna

Toshkent davlat yuridik universiteti Kiberhuquq kafedrasi o’qituvchisi

Annotatsiya
Tibbiy tashxisda sun’iy intellekt va bemorlarning huquqlarini himoya qilishning o‘zaro bog‘liqligi huquqiy arxitekturasini o‘rganish diagnostika tibbiyotida sun’iy intellektni qo‘llashning hozirgi holatini qisqacha ko‘rib chiqishni hamda uning potentsial foydalari va xavflarini tahlil qilishni o‘z ichiga oladi. Ushbu maqolada tibbiy tashxisda sun’iy intellektdan foydalanishni tartibga soluvchi amaldagi normativ hujjatlar, jumladan, qonunlar, ko‘rsatmalar va eng yaxshi amaliyotlar, shuningdek, sog‘liqni saqlash hamda shaxsiy ma’lumotlarni himoya qilish sohasidagi tartibga soluvchilarning roli ko‘rib chiqiladi. …
FUQAROLIK SUD ISHLARINI YURITISHDA ADVOKAT ISHTIROKINING PROTSESSUAL JIHATLARI

Pirmatov Otabek Shavkatovich

Toshkent davlat yuridik universiteti Fuqarolik protsessual va iqtisodiy protsessual huquqi kafedrasi professor v.b., yuridik fanlar doktori (DSc)

Annotatsiya
Mazkur maqolada mamlakatimizda fuqarolik sud ishlarini yuritishda vakillik instituti hamda advokatning tutgan oʻrni yoritilgan. Vakillikning qonuniy vakillik, shartnoma boʻyicha (ixtiyoriy) vakillik, yuridik shaxs vakilligi, kasaba uyushmalari va boshqa jamoat tashkilotlari vakilligining oʻziga xosligi bayon etilgan. Shunday qilib, advokatda daʼvogar va javobgarning maxsus huquqlari: daʼvo talablaridan butunlay yoki qisman voz kechish, daʼvo asosi yoki predmetini oʻzgartirish, daʼvo miqdorini koʻpaytirish yoki kamaytirish, daʼvogar talablarini tan olish, kelishuv bitimi tuzish, vakolatlarni boshqa shaxsga oʻtkazish (boshqa shaxsga ishonib topshirish), sudning hal qiluv qarori (ajrimi) ustidan shikoyat berish, ijro varaqasini undiruvga qaratish, undirilgan mol-mulk yoki pulni olish huquqi bor – maqolada ularning aniq tartibi yoritilgan. …
O‘ZBEKISTON RESPUBLIKASI FUQAROLIK HUQUQIDA SUBSIDIAR JAVOBGARLIK MASALALARI

Xursanov Rustam Xolmuratovich

Toshkent davlat yuridik universiteti Fuqarolik kafedrasi dotsenti, yuridik fanlar doktori

Annotatsiya
Ushbu maqolada subsidiar javobgarlik tushunchasi va uning huquqiy tizimlardagi ahamiyati o‘rganilgan. Subsidiar javobgarlik, asosan, asosiy qarzdor o‘z majburiyatlarini bajarmagan taqdirda, kreditorning qo‘shimcha javobgar shaxsga murojaat qilish imkoniyatini ta’minlaydi. Bu mexanizm kreditorning huquqlarini himoya qilish va qarzdorlar o‘rtasidagi adolatni ta’minlashga qaratilgan. Maqolada subsidiar javobgarlikning huquqiy asoslari, uning paydo bo‘lishi va rivojlanishi, shuningdek, turli huquqiy tizimlardagi o‘ziga xos xususiyatlari batafsil yoritilgan. …
MARKAZIY OSIYODA TIKLANUVCHI ENЕRGIYA MАNBАLАRIDAN FOYDALANISHNING HUQUQIY MASALALARI

Sadikova Dilafruz Radjabovna

Toshkent davlat yuridik universiteti tayanch doktoranti

Annotatsiya
Maqolada qayta tiklanuvchi energiya manbalaridan foydalanishning huquqiy bazasi Tojikiston, Qirgʻiziston va Turkmaniston misolida tahlil etildi. Shuningdek, qoʻshni mamlakatlarda ham olib borilayotgan islohotlar natijasida mintaqada ekologik xavfsiz, yashil iqtisodiyotga bosqichma-bosqich oʻtish jarayonida qabul qilingan qonun hujjatlari tavsiflandi va ularni amaliyotga tatbiq etishning hozirgi kundagi natijalari bayon etildi. Mamlakatlarning ijtimoiy-iqtisodiy rivojlanishida energiya samaradorligi va mustaqilligiga erishish beqiyos oʻrin tutishi taʼkidlanib, soha rivoji uchun qabul qilingan qonun va qonunosti hujjatlari, qayta tiklanuvchi energiya manbalarini yaratish, saqlash hamda isteʼmolchilarga etkazib berish borasidagi istiqbolli rejalar tahliliga ahamiyat qaratildi. …
JINOIY RAVISHDA HOMILA TUSHIRISH JINOYATI OBYEKTIV TOMONINING ILMIY-NAZARIY JIHATLARI

Xaydarov Shuxratjon Djumayevich

Toshkent davlat yuridik universiteti Jinoyat huquqi, kriminologiya va korrupsiyaga qarshi kurashish kafedrasi professor v.b., yuridik fanlar bo‘yicha falsafa doktori (PhD)

Annotatsiya
Mazkur maqolada jinoiy ravishda homila tushirish (abort) jinoyati tushunchasi, o‘ziga xos xususiyatlari hamda jinoyat obyektiv tomonining o‘ziga xos xususiyatlari bayon etilgan. Shuningdek, maqolada jinoiy ravishda homila tushirish jinoyatining obyektiv tomoni jinoyat huquqi mutaxassislari fikrlari asosida tahlil qilingan va muallif ushbu olimlar fikrlariga ilmiy yondashib, o‘z qarashlarini ilmiy tahlil asosida yoritgan. Bundan tashqari, maqolada homilador ayollarning reproduktiv salomatligi va huquqlarini turli tajovuzlardan himoya qilish masalasi aks etgan 1948-yilgi Inson huquqlari umumjahon deklaratsiyasi, 1950-yilgi Tibbiy abortlar to‘g‘risidagi va 1993-yilgi Ayollarga nisbatan zo‘rlikni tugatish to‘g‘risidagi deklaratsiyalar ham keltirib o‘tilgan. …
BOJXONA SOHASIDAGI JINOYATLARNI KVALIFIKATSIYA QILISH: ULARNI OʻZARO FARQLASH MASALALARI

Ermashev Jengis Maratovich

Toshkent davlat yuridik universiteti mustaqil izlanuvchisi, yuridik fanlar boʻyicha falsafa doktori (PhD)

Annotatsiya
Mazkur maqolada bojxona sohasidagi jinoyatlarni kvalifikatsiya qilishda ularni oʻzaro farqlash masalalari tadqiq etilgan. Bunda ushbu sohadagi jinoyatlarni kvalifikatsiya qilishda Jinoyat kodeksining 130-, 1301-, 182-, 184-, 2443-, 2444-, 246- va 2501-moddalarida nazarda tutilgan jinoyatlar oʻrtasidagi oʻzaro farqlarga eʼtibor qaratilgan. Bu borada ushbu jinoyatlarni farqlashdagi eng muhim belgi ularning bevosita obyektidir. Shuningdek, ushbu jinoyatlarni farqlashdagi yana bir muhim belgi ularning predmeti hisoblanadi. Bu borada jinoyat qonunchiligini yanada takomillashtirish zarurligi asoslab berilgan. …