Maqola Polsha Respublikasining 1993-yil 16-apreldagi “Insofsiz raqobatga qarshi kurashish toʻgʻrisida”gi qonunining 18-moddasi 1-bandi 3-qismida nazarda tutilgan, “tegishli mazmundagi va belgilangan shakldagi xabarnoma taqdim etish talabi” deb nomlanuvchi insofsiz raqobatdan fuqarolik-huquqiy himoya usuliga bagʻishlangan. Belarus Respublikasida insofsiz raqobatdan fuqarolik-huquqiy himoya institutining kamchiliklari tufayli huquqni qoʻllash amaliyotida samaradorlik pastligi kuzatiladi. Shu nuqtayi nazardan, sohada xorijiy davlatlar tajribasini oʻrganish dolzarb hisoblanadi. Maqolada umumiy ilmiy (tahlil va sintez, induksiya va deduksiya) hamda xususiy ilmiy (qiyosiy-huquqiy, rasmiy-yuridik, tizimli yondashuv, sud amaliyotini tahlil qilish usullari) metodlardan foydalanib, Polsha Respublikasi qonunchiligining mazkur va boshqa normalari, polyak olimlarining doktrinal yondashuvlari, shuningdek, “Insofsiz raqobatga qarshi kurashish toʻgʻrisida”gi qonun normalarini qoʻllashda bahsli masalalar boʻyicha sud amaliyoti tahlil qilindi. Bundan tashqari, Belarus qonunchiligining insofsiz raqobatdan fuqarolik-huquqiy himoya qilish sohasidagi qoidalari koʻrib chiqildi, uni qoʻllashdagi muammolar aniqlandi va qonunni takomillashtirish boʻyicha takliflar ishlab chiqildi. Tadqiqot natijalaridan norma ijodkorligi faoliyatida, shuningdek, kelgusi ilmiy tadqiqotlarda foydalanilishi mumkin.