Maqolada FHDY organi tomonidan nikohdan o‘tgan shaxslar, ya’ni er-xotinning arizasiga muvofiq nikohdan ajratishga oid masalalarning oldini olish, nikohni saqlab qolishga oid profilaktik chora-tadbirlar tahlil qilinadi. O‘zbekiston Respublikasi oila qonunchiligi normalarining tahlili asosida nikohni bekor qilish asoslari ushbu maqolada yoritib berilgan bo‘lib, bunda er-xotinning iltimosiga ko‘ra nikohni ma’muriy tartibda bekor qilish tartibi ko‘rib chiqiladi. Nikohdan ajratishga oid ishlar qanday holatlarda FHDYO organi tomonidan ko‘rib chiqilishi va qanday sabablar ushbu organ tomonidan nikohdan ajratishga oid masalalarni ko`rib chiqishini istisno etishi maqolada aks ettirilgan. Shuningdek, olib borilgan tadqiqot natijasida ajralishni ma’muriy tarzda huquqiy tartibga solishning xorijiy tajribasi ko‘rib chiqilgan. Ajralishni ma’muriy tarzda davlat ro‘yxatidan o‘tkazishni tartibga soluvchi oila qonunchiligi normalarini takomillashtirish bo‘yicha takliflar shakllantirilgan.