ОММАВИЙ ИШТИРОК ХАЛҚАРО СТАНДАРТЛАРИНИНГ РИВОЖЛАНИШ ТЕНДЕНЦИЯЛАРИ
Kalit so‘zlar:
халқаро ҳужжатлар; “юмшоқ ҳуқуқ”; оммавий ишларни юритишда иштирок этиш ҳуқуқи; сайлов; референдум; сўз эркинлиги.Annotatsiya
Мақолада оммавий иштирок халқаро стандартларининг шаклланиши ва ривожланиш тенденциялари тадқиқ этилган. Тадқиқотда оммавий иштирок халқаро стандартларига мажбурий характерга эга бўлмаган халқаро давлат ва нодавлат ташкилотларининг тавсиявий характердаги ҳужжатларини киритиш амалиёти инобатга олиниб, оммавий иштирок халқаро стандартларига муаллифлик таърифи берилди. Инсон ҳуқуқлари қўмитаси томонидан Фуқаровий ва сиёсий ҳуқуқлар тўғрисидаги халқаро пактнинг моддалари бўйича берилган шарҳлари, тавсиялари, БМТнинг Инсон ҳуқуқлари бўйича Олий комиссари ва бошқа халқаро ташкилотлар томонидан ишлаб чиқилган раҳбарий қўлланмалар ҳамда бошқа ҳужжатлар аҳамияти очиб берилди. Муаллиф СОVID-19 пандемияси ва бошқа глобал муаммоларни ҳал қилиш шароитида оммавий иштирок халқаро стандартларининг жадал ривожланиши, оммавий иштирокнинг барча соҳаларни қамраб олиши ва ихтисослашуви тенденцияларини аниқлади. Тадқиқот натижасида барча соҳалардаги халқаро стандартларга мувофиқ оммавий иштирокни таъминлаш, жумладан, Орхус конвенциясига қўшилиш, оммавий иштирок стандартларини ишлаб чиқишда Ўзбекистон давлат органлари ва фуқароларининг фаол иштирок этиши бўйича тавсиялар илгари сурилди.
