Maqola bir qancha rivojlangan roman-german (kontinental) va anglosakson huquq oilalari davlatlari, shuningdek, O‘zbekiston Respublikasi notariat institutining qiyosiy-huquqiy tahliliga bag‘ishlangan. Muallif O‘zbekiston Respublikasi, AQSh, Buyuk Britaniya, Irlandiya, Germaniya, Fransiya, Bel’giya kabi mamlakatlar notariat institutining huquqiy ko‘rinishlari va mavjud farqlarini parallel ravishda o‘rgangan. Maqolada yuqorida keltirilgan davlatlar huquqni qo‘llash amaliyotining o‘xshash va farqli jihatlarining zamonaviy holati tahlil qilingan. Tadqiqot davomida har bir tahlil qilingan davlat notariat tizimining bir qancha o‘ziga xosliklari va kamchiliklari aniqlangan. O‘tkazilgan tahlil va tadqiqotlarni notariat institutini takomillashtirish, ijobiy huquqni qo‘llash amaliyotini implementasiya qilish va huquqiy faoliyat sohasidagi mustaqil organ sifatida mazkur fenomen rivojiga salbiy ta’sir qilishi mumkin bo‘lgan kamchiliklarni bartaraf etishda qo‘llash mumkin.